शिवस्मारक समितीचे अध्यक्ष विनायक मेटे यांचा वाढदिवसानिमित्त मुख्यमंत्री देवेंद्र फडणवीस यांच्याकडून सत्कार

कोणत्याही टिप्पण्‍या नाहीत


मुंबई, दि. ३० :- शिवस्मारक समितीचे अध्यक्ष आमदार विनायक मेटे यांच्या पंचावन्नाव्या वाढदिवसानिमित्त आयोजित कार्यक्रमात मुख्यमंत्री देवेंद्र फडणवीस यांच्या हस्ते आमदार श्री. मेटे यांचा सपत्नीक सत्कार करण्यात आला.

यावेळी मुख्यमंत्री श्री. फडणवीस यांनी श्री. मेटे यांच्या राजकीय तसेच सामाजिक क्षेत्रातील वाटचालीचा आढावा घेऊन त्यांचे अभिष्टचिंतन केले. श्री. मेटे यांचे मराठा समाज आरक्षण, तसेच शिवस्मारक उभारणीतील योगदान महत्त्वपूर्ण राहिल असेही नमूद केले.

कार्यक्रमास विधान परिषदेचे सभापती रामराजे नाईक -निंबाळकर, महसूल मंत्री चंद्रकांतदादा पाटील, केंद्रीय सामाजिक न्याय राज्यमंत्री रामदास आठवले, पशुसंवर्धन व दुग्धविकास मंत्री महादेव जानकर, आमदार डॉ.भारती लव्हेकर, शिवसंग्राम पक्षाचे प्रदेशाध्यक्ष तानाजी शिंदे आदी मान्यवर उपस्थित होते.

कोणत्याही टिप्पण्‍या नाहीत

टिप्पणी पोस्ट करा