मुंबई दि. 8: माहिती व जनसंपर्क महासंचालनालय निर्मित ‘दिलखुलास’ आणि ‘जय महाराष्ट्र’ कार्यक्रमात वस्त्रोद्योग ‘विभागाच्या योजना, शंभर दिवसाच्या कामकाजाचा आराखडा व अंमलबजावणी’ या विषयावर वस्त्रोद्योग मंत्री संजय सावकारे यांच्या विशेष मुलाखतीचे प्रसारण होणार आहे.
‘दिलखुलास’ कार्यक्रमात ही मुलाखत सोमवार दि. 12, मंगळवार दि. 13 आणि बुधवार दि. 14 मे 2025 रोजी आकाशवाणीच्या सर्व केंद्रावरून व ‘न्यूज ऑन एआयआर’या मोबाईल अॅपवर सकाळी 7.25 ते 7.40 या वेळेत प्रसारित होणार आहे. तसेच ‘जय महाराष्ट्र’कार्यक्रमात ही मुलाखत मंगळवार दि. 13 मे 2025 रोजी दूरदर्शनच्या सह्याद्री वाहिनीवर रात्री 8.00 वाजता प्रसारित होणार आहे. तसेच महासंचालनालयाच्या समाजमाध्यमांवर खाली दिलेल्या लिंकवरून ही मुलाखत पाहता येणार आहे. निवेदिका सुषमा जाधव यांनी ही मुलाखत घेतली आहे.
एक्स- https://twitter.com/MahaDGIPR,
फेसबुक – https://www.facebook.com/MahaDGIPR,
यू ट्यूब – https://www.youtube.co/MAHARASHTRADGIPR,
राज्यातील वस्त्रोद्योग उत्पादनांची गुणवत्ता सुधारण्यासाठी आणि उद्योगात रोजगाराच्या संधी निर्माण करण्यासाठी शासनस्तरावर विविध योजना आणि उपक्रम राबविण्यात येत आहे. यामध्ये पारंपरिक आणि आधुनिक वस्त्रोद्योग उपक्षेत्रांच्या मजबूतीकरणावर प्रामुख्याने भर देण्यात येत आहे. याच पार्श्वभूमीवर राज्यातील वस्त्रोद्योगाचा विकास करणे आणि या उद्योगांना प्रोत्साहन देणे यासाठी मुख्यमंत्री देवेंद्र फडणवीस यांच्या अध्यक्षतेखाली शंभर दिवसाच्या कामकाजात अनेक महत्वाचे निर्णय घेण्यात आले असून त्यांची अंमलबजावणी करण्यावर प्रामुख्याने भर देण्यात आला आहे. त्याअनुषंगानेच पारंपरिक आणि आधुनिक वस्त्रोद्योग उपक्षेत्रांच्या मजबूतीकरणासाठी व चालना देण्यासाठी विभगामार्फत घेण्यात आलेले निर्णय आणि त्याची अंमलबजावणी याबाबत वस्त्रोद्योग मंत्री संजय सावकारे यांनी ‘दिलखुलास’ आणि ‘जय महाराष्ट्र’ कार्यक्रमातून माहिती दिली आहे.
