कोरोनाचा प्रादुर्भाव रोखण्यासाठी किराणा दुकानदार देणार घरपोच सेवा - नागपूर महापालिका आयुक्तांचा उपक्रम

कोणत्याही टिप्पण्‍या नाहीत



नागपूर महापालिका क्षेत्रात नागरिकांसाठी व्यवस्था

नागपूर, दि. २६ : कोरोनाचा प्रसार रोखण्यासाठी लॉकडाऊन घोषित करण्यात आले आहे. यादरम्यान अत्यावश्यक सेवांची दुकाने सुरू असली तरी नागरिकांना घराबाहेर पडावे लागू नये यासाठी महापालिका आयुक्त तुकाराम मुंढे यांच्या प्रयत्नातून नागपूर शहरात घरपोच किराणा मिळण्याची व्यवस्था झाली आहे. फोन करा आणि किराणा घरपोच मिळवा, अशी ही व्यवस्था आहे. नागपूर महानगरपालिकेअंतर्गत असलेल्या दहाही झोनमधील सुमारे ४५ दुकानदारांनी ही व्यवस्था केली आहे.

नागरिकांनी या सेवेचा लाभ घ्यावा, असे आवाहन आयुक्त श्री.मुंढे यांनी केले आहे. घरपोच किराणा सामान पोहोचविणाऱ्या दुकानांची यादी, परिसराचे नाव आणि मोबाईल क्रमांकाची माहिती महापालिकेच्या अधिकृत फेसबुक पेजवर प्रसिद्ध करण्यात आली आहे.

याव्यतिरिक्त प्रत्येक झोनमधील जी अत्यावश्यक सेवांची दुकाने सुरू आहेत, त्या दुकानांसमोर अंतर ठेवून उभे राहण्यासाठी मनपाद्वारे तीन-तीन फुटांवर गोल खुणा करण्यात आल्या आहेत. त्यानुसारच ग्राहकांना उभे राहायचे आहे. कोरोनासंदर्भात आवश्यक उपाययोजनांवर मनपा प्रशासन भर देत असून याअंतर्गत ही व्यवस्था करण्यात आली आहे.

घरपोच सेवा देणारी दुकाने

स्वस्त वस्तू भंडार (धरमपेठ), कृष्ण काशीनाथ वाघमारे (धरमपेठ),  गोपाल जनरल स्टोर्स (धरमपेठ), महाराष्ट्र कंझुमर्स फेडरेशन (धरमपेठ), हिलटॉप किराणा स्टोर्स (सेमिनरी हिल्स), जितेंद्र धान्य भंडार, महेश ट्रेडर्स, युनिटी किराणा स्टोर्स, संजय धान्य भंडार (सर्व गोकुलपेठ), हरिओम किराणा (आशीर्वाद नगर, हुडकेश्वर), रक्षक बंधु सुपर बाजार (तुकडोजी चौक), पवन ट्रेडर्स, गुप्ता ट्रेडर्स (दोन्ही हुडकेश्वर पोलीस ठाण्याजवळ), सुरज किराणा स्टोर्स (इंद्रिया नगर), शाहू किराणा भंडार (रामबाग मेडिकल चौक), गुरुनानक ट्रेडर्स, काश्मीर किराणा स्टोर्स (दोन्ही कॉटन मार्केट), पारसमणी किराणा (बैद्यनाथ चौक), सागर डेअरी (कॉटन मार्केट), श्री भोले किराणा अँड जनरल स्टोर्स (इमामवाडा), बांते सुपर बाजार (भगवान नगर), प्रकाश किराणा (बालाजी नगर), महालक्ष्मी ट्रेडर्स (न्यू बालाजी नगर), शक्ती किराणा (कुकडे ले आऊट), मोहित किराणा स्टोर्स (हुडकेश्वर पोलीस स्टेशन जवळ), आकाश केवलरामानी किराणा दुकान (गांधीबाग), ज्ञानेश्वर डहाके दूध डेअरी (गांधीबाग), आर.के. किराणा स्टोर्स (इतवारा), वल्लभदास प्रेमजी किराणा (इतवारा), शाहू धान्य भंडार (कळमना मार्केटजवळ), धैर्य किराणा ॲण्ड धान्य भंडार (दुर्गा नगर भरतवाडा), नीलेश मार्केटिंग ॲण्ड डेअरी (न्यू हनुमान नगर भरतवाडा), चंदु किराणा स्टोर्स (भरतवाडा), राजेश किराणा स्टोर्स (सतनामी नगर), जनचिझ डेली निडस्‌ (वर्धमान नगर), श्री किराणा स्टोर्स (पूर्व वर्धमान नगर), श्री चक्रधर स्वामी किराणा (देशपांडे ले-आऊट), विशाल किराणा स्टोर्स (सन्याल नगर, नारी रोड), श्री गुरु गोविंदसिंगजी सेवादल (उत्तर नागपूर), मुरली किराणा स्टोर्स (छावणी), जैस ट्रेडिंग कंपनी ॲण्ड जैस किराणा स्टोर्स, शीव शॉपी किराणा अनाज सप्लायर, राज किराणा, नंदु पट्टू गुप्ता किराणा स्टोर्स, राजलक्ष्मी दूध डेअरी (सर्व गड्डीगोदाम, गोलबाजार) आदी ४५ दुकानातून घरपोच सेवा मिळेल. या दुकानाच्या मोबाईल क्रमांकाची माहिती नागपूर महापालिकेच्या अधिकृत फेसबुक पेजवर प्रसिद्ध करण्यात आली आहे.
०००००

कोणत्याही टिप्पण्‍या नाहीत

टिप्पणी पोस्ट करा

Blogger द्वारा समर्थित.