वाडिया रुग्णालयासाठी शासनाकडून २४ कोटी रुपये अनुदानास मान्यता - आरोग्यमंत्री राजेश टोपे यांची माहिती

कोणत्याही टिप्पण्‍या नाहीत



मुंबई, दि. 15 : वाडिया मॅटर्निटी रुग्णालयासाठी राज्य शासनाच्या आरोग्य विभागामार्फत 24 कोटी रुपये देण्याच्या प्रस्तावास आज वित्त विभागाने मान्यता दिली. त्यानुसार  हे अनुदान वाडिया रुग्णालयास उपलब्ध होणार आहे, अशी माहिती आरोग्यमंत्री राजेश टोपे यांनी आज दिली.

काल मुख्यमंत्री उद्धव ठाकरे, उपमुख्यमंत्री अजित पवार, आरोग्यमंत्री राजेश टोपे यांनी यासंदर्भात बैठक घेतली होती. बैठकीत वाडिया रुग्णालयास आरोग्य विभागामार्फत 24 कोटी रुपयांचा निधी देण्याचा निर्णय झाला होता. त्यानुसार आरोग्यमंत्र्यांनी कालच विभागाच्या अधिकाऱ्यांना अनुदान वितरित करण्याचा प्रस्ताव सादर करण्याचे निर्देश दिले होते. विभागाने सादर केलेल्या प्रस्तावास आज वित्त विभागाने मान्यता दिली. त्यानुसार आज सायंकाळी वित्त विभागाने त्याबाबतचे मंजुरी आदेश निर्गमित केले.
००००
अजय जाधव/विसंअ/15.1.2020

कोणत्याही टिप्पण्‍या नाहीत

टिप्पणी पोस्ट करा

Blogger द्वारा समर्थित.