महाराष्ट्रातील ११ पोलीस अधिकाऱ्यांना गृहमंत्री पदक

कोणत्याही टिप्पण्‍या नाहीत






नवी दिल्ली :  महाराष्ट्रातील ११ पोलीस अधिकाऱ्यांना गुन्हे अन्वेषणातील गुणवत्तेसाठी गृहमंत्री पदक जाहीर करण्यात आले आहे.



केंद्रीय गृहमंत्रालयाने आज २५ राज्य, केंद्रशासित प्रदेश व केंद्रीय तपास यंत्रणेत कार्यरत असणाऱ्या १०१ पोलीस अधिकाऱ्यांना गृहमंत्री पदक जाहीर केले आहे. महाराष्ट्रातील ११ पोलिसांचा यात समावेश आहे. मध्य प्रदेशातील ११ पोलीस अधिकारी, सीबीआयचे ९ अधिकारी तसेच राजस्थान व उत्तर प्रदेशातील प्रत्येकी ७ पोलीस अधिकाऱ्यांचा यात समावेश आहे. देशातील १२ महिला पोलीस अधिकाऱ्यांनाही गृहमंत्री पदक जाहीर झाले आहे.



महाराष्ट्रातील खालील पोलीस अधिकाऱ्यांना गृहमंत्री पदक जाहीर झाले आहे -
राज तिलक रोशन (पोलीस उपायुक्त), दीपक पुंडलिक देवराज (पोलीस उपायुक्त), सूरज पांडुरंग गुरव (पोलीस उपअधीक्षक), रमेश नागनाथ चोपडे (सहाय्यक पोलीस आयुक्त), दिनेश विठ्ठलराव आहेर (पोलीस निरीक्षक), शशिराज गुंडोपंत पाटोळे (पोलीस निरीक्षक), चिमाजी जगन्‍नाथ आढाव (पोलीस निरीक्षक), सूरज जयवंत पडावी (पोलीस निरीक्षक), सुनील किसन धनावडे (पोलीस निरीक्षक), सचिन मुरारी कदम (पोलीस निरीक्षक) आणि धनंजय चित्‍तरंजन पोरे (सहाय्यक पोलीस निरीक्षक)

कोणत्याही टिप्पण्‍या नाहीत

टिप्पणी पोस्ट करा